أوقفت مباحث عمليات الخرطوم الفيدرالية (10) من كبار تجار العملة بمطار الخرطوم الدولي. وشنت السلطات أمس حملات مكثفة على المضاربين بالعملة في السوق الموازي.
واستهدفت الحملة بحسب صحيفة آخر لحظة، صالات الوصول بمطار الخرطوم، على خلفية معلومات تشير إلى نشاط كثيف لكبار تجار العملة بالمطار، يستهدفون العائدين من الخارج.
وذكرت مصادر أن المباحث أوقفت (10) منهم أمام الصالات وضبطت بحوزتهم عملات أجنبية مختلفة، ودونت ضدهم بلاغات من قانون النقد الأجنبي بدار الشرطة المجتمعية.
الخرطوم (كوش نيوز)
ههههههههههههههههههه اغبياء ..واحد واقف عيني عينك امام المطار وبيشتري عملة يكون تاجر عملة مهم كدا وكم سيكون حاملا معه ؟؟اكيد مبالغ لا تتجاوز ال5 الف ااو بالكتير عشرة لاكبرهم وبعدين الخبر مقلوب هم عايزين دولار كيف يكون شايلين دولار هل بيشتروا دولار بدولار ام كانت معهم مبالغ بالشوالات في العربيات خارج المطار يا اخي دي ما بتنقص الدولار
هم عايزين دولار ضح. وحاليا من اهم مصادر الدولار هم المغترين.
المغترب لم يجي بيلقى التاجر بتاع السوق السوداء جاي لغاية عندو وبيعرضو عليهو مبلغ اكبر فاكيد حيقول ل نفسو ليه اتعب وامشي احول دولاراتي في البنك وبمبلغ اقل.
فيقوم يدي دولاراتو لبتاع السوق السوداء. يعني على نهاية التاجر بتاع السوق السوداء بيكون معاهو كذا دولار.
انت قلت لا يتجاوز 5 الف دولار طيب نقول 5 الف دولار وعندك عشرة تجار على الاقل كده خمسين الف دولار في يوم وشوف ايام تانية وفي تجار تاني بره المطار.
ولانو المغتربين هم المصدر الاساسي للدولار في البلد واغلبهم بيمشو ل السوق السوداء الدولار اللي في السوق اكتر من اللي في بنك وعشان كده الحكومة لمن تجي تشتري قمح مثلا او شي ما بتلقى دولارات كافيه في البنك.
والتجار العادي الداير يستورد حاجة بيمشي ما بيلقى في البنك فيقوم يشتري من السوق الاسود اللي ببيع ليهو بالغالي زي ما اشترى ب الغالي.
انت لمن تقفل السوق السوداء قروش المغتربين كلها حتمشي البنك وحتتوفر فيهو عملة وسعر الدولار حينزل على سعر البنك
وكمان في حيتان كبار بواسطة وفساد بطلعو دولارات البنك بالرخيص ويمشو يبيعوها في السوق السوداء بالغالي فحتى لو جاتك ملايين الدولارات دعم وختتيها في البنك بدون ما تقفل وتحارب السوق السوداء (السريحه والتجار الكبار) كانك بتخت القروش دي في جيب مشروط لانها حتتسرب وتمشي السوق السوداء.خاصة انو السودان ما بيقدر يتعامل مع البنوك البره ويحول تحويل مباشر لو تجار داير يشتري بضاعة ويقول للبنك حول الف دولار مثلا من رصيدي ل الحساب الفلاني في الدولة الفلانية البنك ما بيقدر يحول فيقوم التاجر يحاول يسحب دولارتو اللي في البنك حتى لو بالسوداني ويشتري الف دولار من السوق ويهربها بطريقتو
محاربة السوق السوداء حترفع الدولار موقتا لان السريحة عددهم حيقل ويدسو ف البيتلقي فيهم حيرفع السعر والانك مضطر حتشتري منو لانو ما ضامن تلقى سريح تاني غيرو لكن بعد فترة بينزل