منوعات وفنون
سودانيون يطالبون بـ(كورسات تقوية) في اللغة الإثيوبية
مشادات عنيفة دارت بين سائق (ركشة) وشاب إثيوبي الجنسية لا يجيد اللغة العربية، تلك المشادة التي تولدت منها العديد من ردود الفعل، فيما كان سبب الخلاف المباشر هو عدم معرفة سائق (الركشة) للمكان الذي قام الزبون بوصفه وذلك لانعدام اللغة المشتركة وعدم إجادة الإثيوبي للعربية.
هذا وقد علق البعض تعليقات على هامش تلك المشادة حسب صحيفة السوداني، من بينها: (معقولة ياخي البلد دي كلها حبش)، في حين أضحك آخر، الجميع بعبارة: (بعد دا حقو يدخلوا لأولادنا اللغة الحبشية في المنهج الدراسي ويدونا نحن بالمرة كورسات تقوية فيها)..!
الخرطوم (كوش نيوز)
بذل ما تتريقوا فتشوا في السبب البخلي اصحاب الركشات يشغلوا الاحباش ؟؟
والاسباب ماعايزة تفتيش لان الحبش امينين في التعامل وبيحافظوا على الركشة وبيخت في راسه انها مصدر رزقه ، وبالمقابل تعال شوف السوداني واسألوا مجرب 3 يوم مرات ما يجيب ايراد ومرات يجيب ليك ايراد 2 وبعد اسبوع غياب ويقولك كنت عيان .. وتلاقي الركشة وسخانة وكلها تراب وفرشها يتقزز منه الركاب ..
والحبشي يسمع الكلام واذا اتفقت معاه ما بيغير ولا بيجي ينقنق يقول ليك كدا ما كويس ..تجيب السوداني وتتفق معاه بعد اسبوع يجيك ويقول ليك ياعمك يا اخي الاتفاق ما بينفع. ليه ؟؟ يقول ليك يا اخي تعب شديد .. والمسألة ما تعب وانما يكون حسد صاحب الركشة ويقول انا جاري وهو نائم ويديني كدا بس .. ويجيب الركشة بعد بهدلها ويمشي يرقد ينوم بلا شغلة ,, دا شبابنا