انتقدت الفنانة الشهيرة هدى عربي شخصيات موجودة بمواقع التواصل الاجتماعي قالت إنهم نصبوا أنفسهم كمحللين لكل القضايا في مختلف المجالات، وأكدت أن كل تحليلاتهم خاطئة، فيما أكدت حرصها على متابعة صفحات وصفتها بالجميلة بمواقع التواصل الاجتماعي.
وقال هدى في تغريدة بحسب صحيفة الصيحة ”من فترة طويلة جداً براقب التايم لاين.. في شخصيات معينة كدة حقيقي احترت معاهم منصبين نفسهم محللين سياسيين بتاعين علم اجتماع يتناولوا قضايا اسرية قضايا اجتماعية، فنية رياضية، وكل موضوع بحسوا انهم مفروض يدلوا بدلوهم فيه ويطرحوا قراءات والمؤسف كل قراءاتهم غلط يعني بس ده ما بسميه الا شوبار بس والله ما ممكن زول يكون مفتي في كل موضوع ومفتكر انه صاح”.
وأضافت “وعلى صعيد أخر برضو في صفحات جميلة جداً ولم يكون في حدث معين بمشي بفتش انهم كاتبين شنو”.
وتابعت ” اما ناس بتاعين كلو ناس الطفل المعجزة ديل اعفوني منهم”.
الخرطوم: (كوش نيوز)
