آراء

رؤيا أمين: نفس الخان الترابي نفس الجاب قوش للبشير نفس الجاب حمدوك

🔴 #إختصار_اللعبة🎮
نعيد ونكرر .. نفس الخان الترابي نفس الجاب قوش للبشير نفس الجاب حمدوك نفس الخطط من بعيد بالريمود كنترول
نفس الضحى بأخوانه نفس السجن أخوانه نفس
العذب الصادقين نفس الصفى اخوانه الصادقين
نفس الجاب ديل وديل يعملو ديل بوجوه🎭
واغطية مختلفة بعيدة عنه ليبعد التكهنات والتخمينات طبخها من بدري في نار 🔥هااااادئة درب وربى عيالو بجودة عالمية فخيمة قوية عشان يكونوا الواجهه والأيدي العاملة له لما ينشغل بدورو يكون له خلف يقوم بأعماله بدلاً عنه وكان بعيد عن المشهد السياسي للناس فقط وأنه مجرد شخص عادي نجح بجدارة في رسم الصورة العايزها له وحيفضل وحيستمر بعيد كدا .
شخصياً أنا متحسرة أن في ذكاء زي ده عندنا وضدنا شغال بفهم يا أنا او لا أحد .. الزي ده لو كان معانا حقيقي ماكان في دولة قدرت على البلد دي نهائي ولا في تنظيم محلي أو عالمي قدر على البلد دي لكن للأسف دائماً الضربة والصدمة بتجي من جووووة مابتجي من برا ..قدر يخرج الفتنة من مكان ماف حد يتصور ان تطلع منه لانو عارف المكان ده هو اللي ممكن يبقى له عقبة في المستقبل فلازم يدمرو وعشان يتدمر لازم يتم تدميره ذاتياً أي منه وفيه بناسو زاتهم عملها كيف لقدام بتعرفو دي اكتر شي عاجبني فيه ذكائه ده …. بدقة …. منه حرف حرف كلمة كلمة مرات لمن يكون عندك عدو عندو سلاح قوي بترسل أحد يتعلم منه ويدرس على يده ويدرس محيطة وتفكيره وذكائه ويكون مقرب له ويجي يعلمك ماعشان تبقى فاسد وشيطان لأ عشان لو عاوز تتصدى لعدوك لازم يكون عندك سلاح مثل سلاحه أو أقوى وليس أقل فلازم
تتعلم منه وتطور وتعدل لليوم الموعود .
لأنه النوع المابحب يظهر أن هو المتحكم ولأن الظهور يعني فشل مخططه .. بحب يكون ماظاهر بحب يحرك من خلف الكواليس فقط يكون محبوب ومحافظ على الوجه البريئ الطائع الضحية في نص الضحايا الحقيقية وحوله حيرانه …. يتفق مع ديل ويجي يحفر لي ديل ويوقع في ديل مع ديل عشان يجيب ديل وديل مع ديل يعملوا ديل ♟️…
#إختصار ..
ما حيحصل شيء غير اللي هو خطط له من بدري وجهز له مجهز له ومخطط له صدقوني فما تلخموا نفسكم بالتفسيرات والإجتهادات والتحليلات لأنه مهما حاولتوا ماتحقدروا الأنه الآن هو مدعوم دولياً وأنتو حتتصدموا من النقطة دي كيف مدعوم دولياً وهو …. كيف دي خلوها لقدام بتفهموها كويس والصدمات لا تأتي الآن لأنه لسه مشروعو المكلف به من قبل … ماتمه قرب يتم لكن لسه فاضل نقاط للأسف النوع الذكي جداً مابتقدر عليه ولا بتقدر تمسك له شيء نهائي مدرب بكفاءة عالية جداً على أيدي عالمية خبيرة جداً بتحب تدس السم في العسل ونحن الآن العسل والسم جوانا ( جوانا دي معناها كتير ممكن معانا وممكن جوانا وممكن جمبنا اللبيب وحده بفهم ) .
البعض لا يتصور ولا يمكن ان يتصور لذلك ممكن يردمني سواء هنا او الخاص لكن حبيت اكتب كلامي ده علشان لو ربنا كتب في العمر بقية أعمل له إعادة ذكرى عشان الناس تتذكر بعدما تتصدم أن في حد حاول يلمح ويوضح ويصحي البقية من سباتهم العميق بس استبعدوا الحاصل واستهتروا وضحكوا وتناسو ونسوا إلى أن …
زي فهم ال… في العالم بتظهر بجانب إنساني ومساعدة وفهم عالي وهي أداة تدمير وإتهيار وفي طريقها لازم تنثر الورد والعبير عشان تستبعد عنها أنها كدا وعشان تدعمها ف حين ان بجوه الادوار مقسمة بسرية تامة …كلها وجوه لعملة واحده
💎وأحياناً ينجم الأذى الأعظم من النوايا الطاهرة💎 .
لك الله يا شعبي لك الله يا بلادي لك الله الحركة الإسلامية لك الله أيها المشروع الإسلامي فالطريق وعرة جداً ومليئة بالأشواك والصخور والحيوانات المفترسة الشرسة ..🌧
⏳يمكرون ويمكر الله والله خير الماكرين⏳ .

رؤيا أمين
✍🏼#عجوز_عشرينية🦉🧠

اضغط هنا للانضمام لقروبات كوش نيوز على واتساب

قروبات كوش نيوز الإضافية




زر الذهاب إلى الأعلى