الشاعرة إيمان متوكل : أعتذر لأخواني المشردين سكان المجاري عن الكلمات الجارحة التي خطها قلم المدعوة داليا الياس

الشاعرة إيمان متوكل : أعتذر لأخواني المشردين سكان المجاري عن الكلمات الجارحة التي خطها قلم المدعوة داليا الياس

قدمت الشاعرة السودانية الشابة إيمان متوكل إعتذارها للمتشردين وسكان الشوارع ببلادها عن الكلمات الجارحة التي خطها قلم الشاعرة والصحفية المعروفة داليا الياس حسبما ذكرت إيمان في تدوينة لها على حسابها عبر موقع التواصل الاجتماعي فيسبوك.

وكتبت شاعرة برنامج “ريحة البن” وفقاً لموقع النيلين: “بدل أن تلعن داليا إعتذر لسُكان الشوارع .

 

أنا المواطن السوداني : إيمان متوكل حسن، بإسم الإنسانية والأخلاق السمحه والنُبل السوداني ، أعتذر لجميع اخواتي واخواني المشرديين سكان المجاري والخيران عن ما بدر من كلمات جارحه خطها قلم المدعوة داليا الياس اعتذر منكم عن ذلك و اتعهد أن اساهم ما استطعت في دعمكم وتحسين أوضاعكم ومساندتكم بالمطالبة بحقوقكم علماً بأنني لا املك سُلطة ولا مالاً ولكني أملكُ قلباً يحمل لكم كل المحبه والتقدير “.

 

وكانت الصحفية والشاعرة داليا قد كتبت تدوينة الأسبوع الماضي على حسابها عبر فيسبوك قالت فيها:

 

“بعض الأطفال ضحايا الظروف الإجتماعية والإقتصادية والسياسية الإمتهنوا التسول عند إشارات المرور فقدوا براءتهم …وبيتصرفوا بطريقة وقحة بتأثر على معدل المروءة والرغبة فى المساعدة جواك!!

يعنى مثلاً مرات لو ماعندك فكة ولا ما معاك قروش _ وبتحصل، بغض النظر عن كونك راكب عربية_ و ما قدرتا تساعدهم أو تستجيب لإلحاحهم المزعج …. ومهما إعتذرت بالإشارات التعبيرية أو بأطلاق عبارة ( الله كريم). بتلقى ردة فعلهم غريبة وصادمة ووقحة….يا ضرب ليك قزاز العربية بقوة….أو (سباك) أو مشى أبعد من كدة وأساءك بلفظ بذئ.


ومرات بيكون كلام جارح قد يمس الأمهات بأسوأ صورة متعارفة…..والدم بيغلى فى عروقك …. ولاتعرف ترجع ليهو ولا تمشى بى غبينتك، والسؤال البيفرض نفسو…..ديل ممكن يكونوا شنو فى المستقبل؟!
كدى راقبوا معاى ملامحهم وتصرفاتهم وشوفوا النتائج الحتطلعوا بيها.


كلو كوم….والزولة الفاسخة وشها ومتحننة وتجيك تشحد دى كوم!
وقبل ماينط لى زول يتهمنى بعدم الإنسانية والتحامل على شريحة ضعيفة مجبورة والبعد عن قيم الدين….بقول ليكم أنا بعرف مليون سودانى محتاج فعلاً وعاجز ومتعفف ومهذب وممكن أساعدوا هو قدر قدرتى وضميرى مرتاح والإحترام متوفر !
معقولة ياخ…..شحدة وقوة عين وقلة أدب!

 

عموماً الحقيقة المرة إننا كلنا ساهمنا فى هذا الوضع المرعب والمؤلم كل منا بطريقة مختلفة تعنيه… وأسوأها السلبية والسكوت، أما الجهات الحكومية المعنية فأمرها مرفوع لله”.

 

الخرطوم (كوش نيوز)

  1. Ali Alhalawi

    لم أرى فى مقال الشاعرة داليا ما يسئ للمشردين.
    أندهشت جدا لرد الشاعرة إيمان متوكل و الذى إبتدرته بـ “المدعوة داليا الياس” .. هل هذا تعالى أم جهل من إيمان .. أنها المرة الأاولى التى أسمع فيها عن إيمان و لكن هذا لا يعطينى الحق فى مخاطبتها بـ “المدعوة” مع أنه إسم داليا الياس قد إمتلأت به وسائل التصال قبل سنين عددا.

    الرد
  2. عابر سبيل

    انتو الاتنين ما عندكم موضوع وحدة دقست و التانية استغلت الموضوع انتو فاكرين انو الجماعة (المشردين) ديل جايبين لكم خبر انتو بتقولو فى شنو….. قومووووووووا م تعملو لينا ضجة من الهوااااا شوفو شغلتكم مكانا وين

    الرد

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.