خرج الفنان سامح حسين من المستشفى بعد مروره بأزمة صحية وتحسن حالته، إذ اضطر الفريق الطبى المعالج لحجزه فى العناية المركزة، فى وقت سابق، نتيجة لارتفاع فى درجة الحرارة بشكل مستمر.
وكتب سامح حسين عبر «انستجرام»: «الحمد والشكر لله رب العالمين، حمدًا كثيرًا طيبًا مباركًا فيه، بعد أيام صعبة عشتها فى المستشفى، الحمد لله رجعت البيت كل كلمة دعاء، وكل رسالة، وكل اتصال، وكل مشاعر حب وصلتنى وأنا فى المستشفى، كانت بالنسبة لى سند حقيقى وأثرت فى وجدانى بشكل لا يمكن أقدر أوصفه، شكرا من القلب لكل واحد دعالى، ولكل شخص سأل عنى أو اهتم بى».
وأضاف:«ربنا يجازيكم عنى كل خير، الحمد لله على نعمة الناس اللى بتحبك بصدق، ربنا يحفظكم جميعا من كل شر، وما يكتب على حد تعب ولا وجع، ويديم علينا جميعا نعمة الصحة والعافية والستر، وأتمنى تدعولى ربنا يكمل شفائى على خير،الحمد لله حتى يبلغ الحمد منتهاه».
وقالت وسام حامد، زوجة سامح حسين، فى تصريحات سابقة لـ المصرى اليوم: « سامح الحمد لله بيتحسن بس لسة محتاج يفضل فى الرعاية لفترة، حتى تستقر حالته الصحية ويقرر الفريق الطبى خروجه لغرفة عادية، وحاليا الزيارة ممنوعة، دعواتكم».
وكانت وسام قد وجهت الشكر لكل من حاول التواصل معها للاطمئنان على حالة سامح، وكذلك لكل من دعا له بالشفاء، قائلة: «فى المواقف اللى زى دى مهما هنقول كلام مش هيكون كفاية، شكرًا من كل قلبى لكل شخص حاول يتواصل معايا علشان يطمن على سامح، وشكرًا ألف مرة لكل دعوة صادقة بالشفاء».
وأضافت: «شكرًا لكل مشاعر الحب والاهتمام اللى غمرتنا بيها.. والله هونت كتير من الأزمة اللى إحنا فيها، ولسة محتاجين دعواتكم الطيبة دى معانا».
المصري اليوم
