منوعات وفنون
القيادية بالحرية والتغيير حنان حسن تفضح شاب قام بتصويرها خلسة بمحل “فول”: (عاينت ليو لقيتو ببكي قال لي أنا يداب لي يومين ف البلد دي.. حنن لي قلبي..جبانون)
كشفت القيادية بقوى الحرية والتغيير, حنان حسن, عن ضبطها شاب سوداني, قام بتصويرها خلسة مستغلاً تواجدها أمام محل “فول”, بإحدى الدول التي تقيم فيها.
وبحسب رصد ومتابعة محرر موقع النيلين, فإن حنان حسن, حكت الواقعة في تدوينة عبر حسابها الرسمي على موقع التواصل الاجتماعي فيسبوك.
وكتبت القيادية بالحرية والتغيير: (امبارح مشيت اشتري فول المحل فيو كمية سودانيين كبيرة-عادة- قعدت أتونس مع زولة لغاية طلبي يجهز..).
وتابعت حنان حسن: (في ولد قاعد قدامي.. انتبهت ليو متوتر كانو قاعد في جمرة ركزت معاه.. من لغة جسده ومسكة تلفونو عرفتو بصور فيني طوالي مشيت ليو..بتصورني ليه؟؟ من الخلعة مد لي التلفون فعلا لقيتو مصورني عدد 3 فيديو ولمن قبضتو شغال يصور ف الرابع! بتصورني مالك يا زول؟ -عشان انتي مشهورة!! بتصورني مالك يا زول؟-والله معجب بيكِ طيب استأذن ياخ!!).
وأضافت: (والله ما قصدي شي وهاك ي جرس بس ردحت ليو الناس اتلمت وناديت بوليس .. قالو لي دايرة تعملي شنو ف الزول دا.. تشتكيهو ولا تعفيهو.. عاينت ليو لقيتو ببكي قال لي أنا يداب لي يومين ف البلد دي وهييي وبتاع ومعليش آسف!!
أنا ذاتي قربت ابكي معاه حنن لي قلبي قلت ليهم خليتو ما دايرة اسوي ليو شي وكت قلبكم خفيف قدر دا بتتعاورو لشنو
وياهو كلهم زي دا ماف واحد فيهم بقدر يواجه إلا غدر ومن ورا الضهر جبانوون).
الخرطوم (كوش نيوز)
