آراء
اختصاصي نفسي: انا مشكلتي معاك انت كراجل شحط، طول في عرض، وواقف ترمي القروش في وحده، بتكون مالك يعني؟
بوست خارج النص
لكن من مركز النص
لكن من مركز النصانا ما عندي مشكلة ان غناية ولا فنانه ولا قونه ترضى يرمو فيها القروش هي بتغني ولا بترقص ولا بتنطط، ده شغلها ونعتبر ده حافز الوظيفة.
انا مشكلتي معاك انت كراجل شحط، طول في عرض، وواقف ترمي القروش في وحده، بتكون مالك يعني؟
هل دي بتحسسك بالعظمة؟ ولا دي صفقة تملك الجميلات؟ ولا مثلا بتستعرض قدام اهلك الممكن اكتر من ٩٠٪ منهم نازحين و ١٠٠٪ بعاينو للقروش الاتجدعت دي وسرحو انها كانت ممكن تحل ليهم كم ضيقه
حقيقي ما عارفه منو الناقص عقل ودين
غايتو كل ما اشوف فديوهاتكم يا النقاطين بتذكر عصر الجاهلية ( ده لو ما بهت ناس الجاهلية زاتهم) 
الصورة اهداء ليكم نذكركم في نساء في الجهه الاخرى من العالم الواقعي، بيستحقو القروش دي، وكما تدين تدان يا مستهتر النعم 
إيثار صلاح التاي
اختصاصي في الصحة والإرشاد النفسي