مي عمر: «كنت بحلم أشتغل مع سامي قبل ما أعرفه.. ونعمة شبه ناس كتير في حياتنا»
علقت الفنانة مي عمر، على تكرار العمل مع زوجها المخرج محمد سامي، في مسلسل «نعمة الأفوكاتو» الذي عُرض مع بداية موسم رمضان الجاري.
وقالت خلال حوارها مع الإعلامية أميرة بدر عبر شاشة قناة «النهار» في برنامج «أسرار»: «محرمتش أشتغل مع محمد سامي لأنه مخرج أي حد يتمنى يشتغل معاه، وإحنا قصة حب قديمة أوى، وقبل ما يتعرف كنت بتفرج على شغله، وكنت بشوف كم المجهود والضمير وأقول هل هيجي اليوم اللي هشتغل عمل من بطولتي وهو مخرجه؟، ويا حظي السنة دي أنه مخرج عملي».
وتابعت مي عمر: «نعمة الأفوكاتو من أكتر الشخصيات اللي حبيتها، عشان مختلفة في طريقة كلامها وهزارها وردودها وشكلها ولبسها، وشبه ناس كتير نعرفها، وفي كتيير منها، ومقدرش أقول أن الست غلط، لكن الغلط هو رد فعل الرجل، ورضوى الشربيني هتقتل نعمة، لكن برضو فيه رجالة كويسة، والنماذج كلها موجودة».
واستكملت مي عمر: «مش بس في مصر لكن في دول كتير في العالم، اللي يهمني رد فعل الجمهور على العمل، والجمهور بيحب العمل الجيد، ومش الثنائية بتاعتي انا وسامي اللي كده، لكن مع اكتر من ثنائي، والبعض هما اللي مستكترين عليا محمد سامي».
وتابعت مي عمر قائلة: «الأسطورة فاتحة خير وهي اللي قدمني للناس بسبب دور شهد، والكل كان بيناديني بشهد، رغم أني عملت أدوار كتير ناجحة بعده، وسألت محمد ليه الناس بتناديني بشهد كتير، قالي ده طبيعي لنجاح الدور، لحد ما عملت لؤلؤ، وحبيتها جدًا ولما الديكور إتهد عيطت، واتحولت من شهد لـ لؤلؤ».
المصري اليوم