قالت الإعلامية “سارة البشرى” بأن معظم الناس يتعرضون للخذلان بشكل دائم ويندموا على إتاحة فرصة لأفراد دخلوا إلى حياتنا ولم يكونوا يستحقوا ذلك، ما يجعلنا في حالة صدمة من تصرفات من حولنا.
وفي منشور لها على صفحتها الرسمية بعنوان “العشم”، بحسب رصد محرر “كوش نيوز” قالت “سارة البشرى”: دائماً نحن ف حالة حيرة من أقرب الناس لينا، يبهرونا بخيبة الأمل.
وأضافت بأن السبب بانو نحن بنتعشم ف ناس اكتر من اللازم بفطرة الطيبة الفينا.. وبفطرة قلوبنا النظيفة.. عايشين في مجتمع منافق يهتم بالمظاهر فقط .. وغلطنا انو بنتسرع ونندفع ونمشي ورا العضلة البتضخ لينا الدم دي. ودايماً بتوقعنا ف المشاكل.
أولاً.. سرك لو نفسك م حفظتو ماف زول بحفظو ليك.
ثانياً .. ما تتعشم ف زول كتير خلي العشم على ربنا.
ثالثاً.. ما تثق 100% في شخص لأنو في زمنا دا الثقة الزائدة مشكله.. خلي دايماً 50% للشيطان وللنفوس الضعيفة ولخذلان الدنيا.. لٲنو الوجع بجي قدر العشم..
المظاهر خداعة.. ما تنخدع بالشكل ولا الوعود والكلام لٲنو كلنا كلامين وباللسان دا الزول ممكن يوصلك حد الشمس..
الكتاب ما باين من عنوانه
أحياناً العناوين بتكون عبارة عن شرك.. وعكس الكتاب تماماً، يعني عنصر التشويق دائماً بيحفزنا نقرأ .. والمضمون بيكون عكس العنوان..
الدنيا ما محتاجة نزعل ونتضايق ونقفل حياتنا علشان ناس.. والقلب دا اتعمل علشان يفرحنا مش يحزننا.. خلي عقلك في راسك وقلبك بين ضلوعك .. اختار صاح.
الخرطوم – “كوش نيوز”
