بعد ظهوره متحدثا عن الأحداث الجارية في البلاد ،داليا الياس تهاجم د. عبدالله حمدوك

عقب ظهوره متحدثا في مؤتمر صحفي عقده في ابو ظبي والحديث فيه عن الأحداث الجارية بالبلاد والاشتباكات التي بين الجيش السوداني وقوات الدعم السريع ،هاجمت الإعلامية داليا الياس رئيس الوزراء الأسبق د عبدالله حمدوك.

وبحسب متابعات محررة ” كوش نيوز” كتبت داليا على حسابها على موقع فيسبوك:
(إنت مش إستقلتا بى إرادتك ونفضتا يدك مننا؟!!.. شنو الظهور كل يوم بى سكسوكتك الجديدة دى؟!!!).

وتابعت :(وبتدعو بى ياتو صفة؟!! إنت مش بقيت مجرد مواطن عادى ومرقتا برة البلد كمان وشفتا حياتك ومصالحك؟!!… تانى داير مننا شنو؟!!… ولا بتخططوا عشان تجى راجع وبعد شوية تقعد تحنس فى المجتمع الدولى وتطلب الحماية وتخت البلد تحت رحمة البند السابع؟!!!
كان ليك يا حمدكة… أختانا وخلينا نموت بى شرف بالله ).

الخرطوم:( كوش نيوز)