هاجمت الفنانة هدى عربي الملقبة بسلطانة الطرب السوداني زميلة وصديقة لها في الوسط بعد التصرف المشين الذي اتخذته في حقها والحديث عليها بطريقة مستفزة عبر منشور على حسابها بموقع فيسبوك تناقلة عدد من جمهور مواقع التواصل.
وبحسب متابعات محررة “كوش نيوز” كتبت السلطانة بعض الكلمات على صفحتها رداً على حديث صديقتها قائلة: لمن يجيك الرد من الزول الغلط
يا جماعة تاني نكتب زي طريقة الجرائد بالحروف الأولى ( م . ق )
والغريبة المقصودة زولة عاملة فيها صحبتي أنا والله زعلانة على الناس الطاشين الرد الضحكني كنت متوقعاهو من الزولة القاصداها بس كالعادة ما بتقدر أسي بتنتظرني كم شهر تفتكر إني نسيت وتدخل علي بالواتساب تهظر وتضحك زي الوقت ده دي طبعاً عادتها المعتادة تضرب وتلبد زي ال ما عاملة شي زولة منافقة بتاعة كركبة بس غايتو من سوء حظك راح عليك التريند لأنه زي ما قلت إني ما وضحت بي طريقة الجرائد راح عليك التريند والله؛
لأنك أصلاً كج، يا جماعة ده آخر بوست نتلاقى فيه لايف دقداق أو حفلة ما بيناتنا
وبرضو ح #نحب_بعض بإستثناء الخسيسين “.
جمهور مواقع التواصل ذكر بأن الصديقة والفنانة التي تحدثت عنها السلطانة هي المطربة أفراح عصام على خلفية الخلافات السابقة التي دارت بينهما ومازالت مستمرة.
الخرطوم:(كوش نيوز)