بابكر سلك يكتب: برهان ضيع السودان

*طبعا لن تختلف نعزتان نطاحا حول حقيقة يتفق عليها جميع اهل السودان الاحياء منهم (والاموات) ويتفق معهم برهان ذاتو
*تلك الحقيقة هي ان البرهان ضيع السودان
*ومهما فعل(الجزولي) واضاع(الاهداف)
*فان اللوم علي البرهان
*معقولة ياخ!
*تسوق ليك ناس ساااااااي
*معسكرات و(موز)وشعارات
*وتطلع خالي الوفاض حتي من اجر سواقة الخلا السقتنا ليها؟؟؟
*غايتو
*لكن يا اخواننا بصراحة كدة
*مشكلة اللاعب السوداني في الاستلام
*يعني لما يستلم بجهزها للخصم
*لانو الاستلام غلط والكنترول منعدم
*وده طبعا سببو
*لاعبنا بعدما شاب بدخولهو الكتاب
*دي اساسيات ومهارات بياخدها اللاعب من هو صغير
*فاعمار اللاعبين السودانيين علي الجوازات لن تشفع لهم لاكتساب تلك المهارات
*وهو كبير مابقدر يتعلمها
*وببقي شكلو بايخ
*ممكن تقبل طفل لابس بامبرز
*لكن بالتأكيد لن تقبل زول كبير ماشي في الشارع ببامبرز
*وده شغل دولة
*تخطيط وتنفيذ وتنسيق وأهداف ورعاية حقيقية
*عشان لاعبنا يشب صحيحا
*تغزية وبناء جسدي واعداد نفسي يخلق أبطالا
*حاجات كتيييرة علمية نفتقدها
*ودايرين نلعب في كاس العالم
*طالما ندير الرياضة بهذه الهمجية والشللية
*صدقوني
*لو دخلنا الملعب برانا بنطلع مغلوبين
*اللوم ماعلي برهان ولا محسن ولا اللاعبين
*اللوم علي دولة لاتعرف العمل باستراتيجية ومنهجية وتنظيم
*المهم
*التسجيلات ماشة كيف؟
*الله يزيد ويبارك
*بس حقو نعرف
*اننا نخوض هذه المجموعات لنتأهل للمسابقة الافريقية الجديدة
*اي تفريط
*سيعيدنا لمربع نهواهو في كل الظروف
*ولتبريرات نحنا بنبني في تيم
*ولسمسرة عند كل انتقالات
*ونظل نحلم
*ايها الناس
*منو المسؤول من الاحلال والابدال؟
*عشان بعدين مايقول يطرشني
*يعميني
*لاسمعتو ولا شفتو
*وماشاوروني
*والله يكضب الشينة
*المهم
*زمااان ناس محطة التلفزيون الاهلية
*كان عندهم عمل فني فيديو كليب
*بقول
*حبيتك وجيت البيت وما لقيتك
*لقيت اختك في الحيطه وحالا حالا حبيتها
*ده حال جماعة كدة
*مشوا يجيبوا لاعب للتسجيلات
*جابوا واحد تاني
*ده السودان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*مدغشقر ولا سائلة فينا
سلك كهربا
ننساك كيف والكلب قال هو السائل فيكم منو؟
والي لقاء
سلك

صحيفة الانتباهة