قال رئيس الجبهة الثورية وعضو مجلس السيادة الهادي إدريس، إن الأقلام التي تُشكك في العملية السياسية معروفة الانتماء السياسي.
وقال الهادي إدريس، إن “الناس البشككوا وبخوّنوا الناس حول دور المجتمع في العملية السياسية، ديل طبعا هم ناس معروفين”.
وأضاف: “حتى الأقلام البتكتب أقلام معروفه بتنتمي لياتو كيانات سياسية وديل هم اكتر ناس رهنوا ارادة البلد للأجنبي لمن كان هم في الحكم، أبرز مثال هم طافوا العالم دا كلو عشان يفصلوا جزء عزيز من البلد، فدي دعاية”.
وشدد على أن السودان ليس جزيرة معزولة، لذا حضور المجتمع مهم، خاصة وأن فترة الانتقال تحتاج لمساندة ودعم اقتصادي وسياسي.
وأضاف بحسب صحيفة الديمقراطي: “وجود المجتمع الدولي حاجه كويسه بالنسبة للسودانيين كلهم إنو العالم دا رغم التجربة القاسية السودانيين مرو بيها، لكن المجتمع الدولي واقف مع الشعب السوداني”.
وتابع: “في النهاية نحن اتكلمنا في الاتفاق الإطاري عن رؤيتنا للسياسة الخارجية بأنوا نحن نمشي في إتجاه بتاع سياسة خارجية متوازنة الأهم فيها مصالح بلادنا، ومن دون الالتفات او الانجرار وراء ما يسمى بالمحاور أو غيرو، فنحن بنفتخر بوجود المجتمع الدولي لكن أي شئ نحن عملناه سوا كان في الاتفاق الإطاري أو الورش الجاريه الآن هو دا بأيدي سودانية”.
الخرطوم: (كوش نيوز)