منوعات وفنون

رجل سوداني يشكو ويطلب الحل: (زوجتي تأمرني بالعواسة وغسيل العدة أمام أصحابي وعندما ضربتها قامت بربط يدي واوسعتني ضرباً بالسوط..علماً بأني لا استطيع أن أطلقها لأني احبها فماذا أفعل؟)

دفع رجل سوداني في العشرين من عمره باستشارة أثارت موجة من الضحك والسخرية نسبة لغرابتها والمشاكل الطريفة التي بداخلها.

وبحسب متابعات محررة موقع النيلين فقد قال الرجل في استشارته التي بعث بها عبر إحدى القروبات المتخصصة في نشر مثل هذه الاستشارات: ( السلام عليكم اقسم بالله اقول الحق انا شاب عمري 27 متزوج الحمدلله وزوجتي اكبر مني بي 3 سنوات والحمدلله موفر ليها كل حاجة الشهور الاولي بعد الزواج كانت مهتمة بي وكلامها حلو وعايشين مبسوطين الحمدلله).

وأضاف: ( بس بعد ولدت وجابت ولد تعاملها معاي اتغير شديد بقت ما بتسمع الكلام وعنيدة وبتتعامل معاي باسلوب غريب بتتعمد تحرجني قدام اصحابي او الضيوف يعني مثلا بعد تجيب العصير بتقول لي بعد ضيوفك امشو غسل وعوس الكسرة).

وتابع بحسب ما نقل عنه محررة موقع النيلين: ( المشكلة انو انا اصلا ما قاعد اعمل الحاجات دي هي البتعوس والبتغسل والبتنضف بس بتتكلم قدام الضيوف والناس علي اساس انو هي مسيطرة وكدا).

وختم الرجل استشارته قائلا: (ومرة ضربتها عشان ما تعمل كدا وياريت لو ما ضربتها بعد ضربتها نمت ولما صحيت لقيتها رابطة يدي بي حبل وتجلد فيني بي السوط يا جماعة المرة الزي دي يتعاملو معاها كيف عاوز حلول غير الطلاق لاني بحبها شديد بعد كل البتعمل فيهو دا).

الخرطوم (كوش نبوز)

اضغط هنا للانضمام لقروبات كوش نيوز على واتساب

قروبات كوش نيوز الإضافية




زر الذهاب إلى الأعلى