كتبت الناشطة السياسية “حنان حسن حسين” القيادية بحزب “المؤتمر السوداني” على صفحتها بفيسبوك، بشأن ظاهرة التحرش من بعض أصحاب البوتيكات بالخرطوم:
في حاجة غايظاني شديد..
ما عارفة لو عندنا الشجاعة نعترف بالبحصل في الاسواق ولا لا..
هل حصل يا حواء قبل كدا سمحتي لبتاع بوتيك يلمسك..عشان يبيع ليك بسعر أقل ولا مجان؟
بتتصرفي كيف؟؟
مشيت سوق كبير ومشهور في بحري. .اي بوتيك ادخلو..حرفيا اي بوتيك..صاحبو او الشغال فيو بحاول يتلصق او يلمس او يقولا صراحة لو (ريحتيني) شيلي العاوزاهو مجانا؟؟
وبتصرفوا كدا عادي كانو دا الطبيعي، عشان كدا سألت السؤال المعين فوق، شكل البوتيك معمول بطريقة غريبة ومقفل كدا، يصروا عليك خشي جوة وبتاع
وين الشرطة من القصص دي؟؟
وين المحلية بس همكم تشيلوا الرسوم وتتخارجوا؟.
طبعا في الاخر ما اشتريت ولا حاجة مرقت مصدومة قعدت في بنبر ست شاي شربت 9 قهوة مرة ومشيت.
الخرطوم: (كوش نيوز)