منوعات وفنون

“نضال الحاج” تكتب عن أول يوم تدخل فيه مستشفى كطبيبة

عبرت الشاعرة السودانية نضال الحاج، عن مشاعرها وقد وصلت السنة الرابعة في كلية الطب، ودخولها لأول مرة مستشفى كطبيبة متدربة.

وكتبت ” نضال” على صفحتها بموقع التواصل الاجتماعي فيسبوك قائلة:

فتحت الصفحة وقفلتها مراراً والعبرة خانقاني وماعارفه اكتب شنو …
خفت دموعي تخذلني وانا باخد اول تاريخ مرضي لي (مريضة)…دموع فرح ممكن هي ماتعرفها

 

وأضافت وفق صحيفة السوداني : ولأنكم أهلي ..قررت اشارككم شعوري الليلة اول يوم مستشفى بالنسبة لي …اول يوم اقعد قدام عيان/ه وانا شايله قلم ودفتر صغير …اول يوم ادخل عيادة وانا الحمد لله ما مريضة ولا مرافقة …قد يكون شعور عادي بالنسبة لي اي زول ..او لاي طالب طب…لكن نظرا للظروف المحيطة بي أنا ..ومطاردتي للطب كرغبة ملحه ..كان الموضوع يستحق كمية الدموع النزلت مني اول ما دخلت على أولادي

بفضل الله ودعوات والديّ ودعواتكم …وصلت السنة الرابعة الحمدلله …ودخلت المستشفى بفضل الله ..شكر ومحبة لكل زول دعمني ولو بدعوة في ظهر الغيب …ويارب اكون من المتفوقين في الحقل الطبي ..واقدر اساعد الناس بالبسيط البعرفو …
محبات كتااار …

الخرطوم ( كوش نيوز)

اضغط هنا للانضمام لقروبات كوش نيوز على واتساب

قروبات كوش نيوز الإضافية




اترك رد

زر الذهاب إلى الأعلى