بابكر سلك يكتب: خسارة مكسب

] تعادلنا أمام توتي خسارة
] فبحساب فارق الخبرات والامكانات توتي مع احترامنا لها ليست نداً
] ولكن هذا لا يمنعها حقها في ان تطمح للفوز علينا
] بل حقها في الحلم بان تظفر بالممتاز
] فالهلال مثلاً يحلم بالاميرة السمراء لما عجز
] ولو كانت الاميرة السمراء راجية الهلال لاصبحت اشهر بايرة في العالم
] المهم
] من حق توتي ان تطمح وتحلم وتنجز
] لا تبخسوا لها حاجاتها
] كان تعادلنا امامها خسارة
] وكان مكسباً
] كان مكسباً يذكرنا بان الكرة لا تعرف الاسماء ولكنها تعترف بالعطاء
] كان مكسباً لانه نبهنا لنقاط ضعف تحتاج لمراجعة
] وكان مكسباً لانه تجربة من تجارب الاعداد لمشوار المجموعات
] يبقى لا للحزن
] طالما الفشل يعتبر تجربة ونعتبر به
] وتبقي خسارة مكسب
] المهم
] الفيفا مالها طولت قاطعة وشها؟
] وتعديلاتنا الحاصل فيها شنو؟
] ولجنة عامر قالت شنو؟
] والجمعية متييييين؟
] ومنو البحق ليهو دخول الجمعية؟
] والحاصل شنو في لجنة العضوية؟؟؟
] لكن الحاصل في الاستاد غير
] ما شاء الله
] وتحية لنفرة الجار ٢
] وتحية لنفرة المضمار الجابت اربعة مليار
] تحية للقروبات الساهمت
] وتحية للديمقراطية
] التي علمت الناس ان ينفروا خفافاً لاجل كيانهم
] لان اساس العمل الديمقراطي يقوم على الزام النفس بالواجب قبل المطالبة بالحقوق
] وان تسهم بفكرك ومالك في مسيرة ناديك
] هذا يعني انك ديمقراطي حتى لو ما عارف روحك
] السؤال الغلط هو البلد دي عملت لي شنو؟
] اما السؤال الصاح فهو انا قدمت للبلد دي شنو؟
] الصيغة الاولى هي فكر الانتهازية وانصار الشمولية ارباب المحسوبية
] اما الصيغة الثانية فهي صيغة اهل الديمقراطية
] وتحية للديمقراطية واهلها
] المهم
] يا محمد عبدالماجد
] ربنا اداكم الامير
] لكن اصرفوا النظر عن الاميرة
] ما ممكن الامير والاميرة
] والله لو بقيتوا الهلال السعودي ما تجمعوا بين الامير والاميرة
] وكتب الحبيب محمد عبدالماجد عن حاجة الهلال لسبعة من نجوم المريخ عشان يظفر بالاميرة
] ونسي محمد ان في هذا اعتراف بانو السبعة ديل ما ليهم مثيل في المائدة الاميرية
] سبعة يا مفتري؟
] طيب التشكيلة بتاعتكم فضل فيها كم؟
] اظنها الخجلة هي التي منعت صديقي من التصريح بانو الهلال لو ما جاب حداشر من المريخ ما بشيل الاميرة السمراء
] شكراً يا حمادة على ترشيحك لنا بالظفر بالاميرة
] ايها الناس
] لسسسه عند كلمتي
] اهتموا بالصغار تبقوا كبار
] المهم
] نحتج على الاتحاد نحتج على لجان الاتحاد
] ثم نعود لنمارس الصمت عند الترشيحات للاتحادات ولجانها
] الاحتجاج يجب ان يكون بالعمل
] والآن الفرصة سانحة بغياب المؤتمر الوطني
] والكلام ده ساااهل
] لما فكرنا في تغيير اتحاد السلة المحلي
] غيرنا الاتحاد المحلي والعام
] في اقل من عام
] وعندما تم فتح باب التنافس لرئاسة الاتحاد المحلي لكرة القدم
] تقدم حسن عبدالسلام
] ودفع المريخ بمنافس مريخي لحسن عبدالسلام المريخي
] هكذا كنا ندير معارك انتخابات الاتحادات
] ايها الناس
] ان تنصروا الله ينصركم
] اها
] نجي لي شمارات والي الخرتوم
] والينا
] تاني اترست علينا
] غلبتكم ولا شنو يا والينا؟؟؟؟
سلك كهربا
ننساك كيف والكلب قال في ناس بقوا يقولوا غشيتونا ارح القيادة بنوديكم العيادة ارح القيادة بنوديكم العيادة مشينا القيادة قفلتوا العيادة ومرضتونا
والى لقاء
سلك

صحيفة الانتباهة