منوعات وفنون

اعتذار الشاب السوداني صاحب القميص الكحلي الذي تسبب في عدد من حالات الطلاق

تسببت صورة شاب سوداني مفتول العضلات والتي انتشرت على نطاق واسع في السوشال ميديا، في طلاق عدد مقدر من النساء وانفصال مخطوبين .

وتعود التفاصيل إلى نشر إحدى الفتيات لصورة شاب مفتول العضلات وعلى قدر كبير من الوسامة في قروب نسائي شهير وكتبت على الصور (يا بنات أي وحده ترسل الصورة دي لراجلها أو خطيبها وتقول ليهو القميص ده لونو أسود ولا كحلي غامق ، عشان تشوف إذا بغير عليها ولا برد عادي ، وتجي تنزل لينا الاسكرين) لتنهال بعدها حالات الطلاق والانفصال على الفتيات .

وجاء اعتذار الشاب أحمد شلقامي عبر صفحته الشخصية بالفيس بوك قائلاً: (أول شي بحب اعتذر لكل من تأذي أو تضرر من صورتي .. مع انو أنا ما عندي أي ذنب ولا دخل في الموضوع من قريب ولا من بعيد …

كل الحصل انو أنا عندي حساب في فيس بوك زي أي شاب في السودان .. بنزل فيهو صوري الشخصية .. عادي زي كل الناس .. في بت أنا ما بعرفا منو شالت صورتي الشخصية  ونزلتا في قروب من قروبات البنات)

وأضاف قائلاً بحسب ما نقلت كوش نيوز: (طبعاً بي طبع الرجل الشرقي والسوداني عموماً ما في رجل برضي انو زوجته أو خطيبته تقارنو بي شخص آخر (حتي لو بالهظار أو المداعبة ) .. فكانت أغلب ردات الفعل قويه جداً ، وبالرغم من كده لقيت سكرينات و كتير من الشتائم في حقي … من ناس ما بعرفهم أصلاً ، لكن بحب أقول ليكم أنا مسامحكم لله رب العالمين …

ونبه في ختام حديثه: (في الأخير انبه لي شئ بي صراحه ..انو نحن في السودان استخدامنا للسوشيال ميديا والفيس بوك خصوصاً خاطئ بامتياز ) .

 

كما أشار إلى أن وسائل التواصل الاجتماعي تستخدم لكي تقرب الأشخاص وتقوي العلاقات وتوطد المحبة والأخوة بينهم  ولكن للأسف تم استخدامها بطريقة خاطئة ساهمت في خراب الكثير من البيوت بسبب الفتن والمشاكل ما اتعملت عشان المشاكل والفتن  .

 

كما نبه: (يا ريت نوعي ونفكر في وضعنا و وضع بلدنا البتمر بي أزمات اقتصاديه خانقه وضائقه في شتي مجالات الحياه … ونفكر كيف نحن كشباب حنقدر نساعد أنفسنا وأهلنا ومجتمعنا عشان نعبر من المحنه الفيها السودان ..العفو والعافية و بكرر أسفي .. ) .

 

الخرطوم (كوش نيوز)

اضغط هنا للانضمام لقروبات كوش نيوز على واتساب

قروبات كوش نيوز الإضافية



زر الذهاب إلى الأعلى