حميدتي: نحن أبرياء من قتل متظاهري سبتمبر لأن “شغلنا” ما داخل الخرطوم

برأ قائد قوات الدعم السريع الفريق محمد حمداني دقلو حميدتي، قواته من مسؤولية قتل متظاهري سبتمبر العام 2013م وأوضح أنه يريد أن يعرف الشعب السوداني الحقيقة، لأن البعض يتهم الدعم السريع بارتكاب تلك الجريمة.

وقال حميدتي في مقابلة بثتها قناة سودانية (24) ليل أمس الأول : ” بتهمونا بقتل الناس في سبتمبر، لكن الزمن داك انحنا كنا في معسكر التدريب واتخرجنا في أكتوبر ومشينا الميدان طوالي” وتابع بنفي قاطع ” نحن ما شاركنا في أية عملية داخل الخرطوم وما عندنا علاقة بأي شغل تم في الخرطوم وأنا محتار ليه بيقولوا الدعم السريع، نحن بريئين من الحكاية دي عشان الشعب السوداني يعرف”.

وأوضح حميدتي أن قواته موجودة داخل ولاية الخرطوم بأعداد كبيرة وقال : ” قواتنا ما عندها علاقة بشغل الخرطوم، ويتطلب إنها تكون موجودة لطالما انو في ناس بحلقوا للناس باسم الدعم السريع وزول بسألهم ما في أحسن قوات الدعم السريع تكون موجودة تدافع عن نفسها”.

ووفقاً لصحيفة التيار أكد حميدتي شدة الانضباط لدى قواته وأردف : ” والله أكثر قوة فيها ضبط وربط وبشيدوا بيها كافة القوات المسلحة، انحنا وجود سكارى فينا ما بنخليهو بنجلدو وبنرفدو”.

الخرطوم (كوش نيوز)