منوعات وفنون

“وئام كمال” تنفجر: “جرحتوني بالكلبشات ومنو الأداك الحق تفتح عربية بنات”

 

أدخلت الشاعرة “وئام كمال” طاقم برنامج (عليك واحد) في حرج بالغ بعد المقلب الذي تعرضت له، وقالت إن معدي المقلب جرحوها في يدها بالكلبشات، وتساءلت عن السبب الذي يجعلهم يجرءون على إقتحام سيارة فتاة (وهو ما عارف ممكن يلقى فيها شنو) .

 

وكانت وئام قد أبدت رأيها في المقلب من خلال البرنامج وحسمها لمقدم البرنامج بقولها: ( أنت ما طبيعي .. مجنون .. ماتهزر معاي أنا صاحبتك؟ .. مافي سبب يخليك تهزر معاي ..مابينفع أنك تضحك على مشاعر الناس … المضحك شنو في إنو أنا أعصابي باظت .. وجرحتوني في الشارع.. وردت عليه بحسم إنت ما تسأل ولا تتكلم الموضوع ما مضحك وطلبت منو إنو يذيع عشان أقدم رأيي في البرامج الزي دي) .

 

وأكدت “وئام” وبحسب صحيفة المجهر بعد إذاعة البرامج أنها وافقت على إذاعة الحلقة لأنها سوف تبين رأيها في البرنامج بصراحة .

 

وأضافت وئام وبحسب صحيفة المجهر: “أنا وافقت على إذاعة الحلقة بشرط يجيبو كلامي كامل .. وهم وعدوا بي كده، ومع ذلك الحلقة مانزلت كاملة.. اتخذت القرار دا ويبدو لي كان الأصوب تحت الضغط داك .. لأنو ببساطة لو زول صورني طالعة البوكس ومكلبشة ونزلت في السوشال ميديا مع أي تهمة مافي زول من العاتبوني حيقدر يدافع عني .. ولأنو دا رأيي وأنا ما خجلانة منو) .

 

الخرطوم (كوش نيوز)

اضغط هنا للانضمام لقروبات كوش نيوز على واتساب

قروبات كوش نيوز الإضافية




اترك رد

زر الذهاب إلى الأعلى