“محمد بشير” : لسه الحاقدين بيقولوا لي (بسمعوك عشان ولد حنان)

عبر الفنان الشاب “محمد بشير جابر” عن بالغ حزنه وأسفه من الحرب الشعواء (كما وصفها) التي قال إنه يتعرض لها الآن، وقال : ( هناك من يسعون جاهدين لتدميري عن طريق إحباطي والتقليل من شأني، وحقيقة أتعرض لحرب نفسية كبيرة سببها الاساسي أنني انتشرت وحققت نجاحاً ملحوظاً في فترة قليلة)، وعن نوع الحرب التي يتعرض لها أردف : (ياخ الناس دي بتغير ألوان ملابسي في الصور وترسلها عشان أتشتم .. فمثلاً صورة البدلة الصفراء المنتشرة دي هي بدلة لبنية غامقة ولكن الهدف الاساسي ان يتم انتقادي فقط ولازم يدخلوا عبارة (عشان ولد حنان بلوبلو) .. أنا مطرب قائم بذاتي والبجيني أغني ليه بجيني عشاني.. ماعشان والدتي حنان بلوبلو وإلا كان جاب حنان ذاتها) .

وعن ما إذا كان يفكر في ترك الساحة الفنية أجاب : ( أصلو مابخلي الغنا وقاعد في قلبكم أصلا الوالدة دائما بتقول لي دا الطبيعي وأصبر وماتهتم) .
في سياق أخر وبحسب صحيفة المجهر، نفى الاحاديث المتداولة عن أن عداده (40) مليون جنيه واوضح قائلاً : ( مافي كلام زي دا أنا زول مجامل وطالما اخترت محمد يغني ليك بجيك بأي شئ) .

الخرطوم (كوش نيوز)